Kultursenteret Sneie

Eva Bull Holte og Johan B. Holte kjøpte husmannsplassen Sneie og samla mange gamle trehus her. Ved husmannsplassen finn ein Eva Bull Holtes museum som viser grafikk, teikningar, m.m. av kunstnaren Eva Bull Holte.

Åmotsdal Handverkstun ligg rett ved Eva Bull Holtes museum. Her finn ein eit godt utval av handverksprodukt av ymse slag.

http://www.evabullholte.no/

Midt-Svartdal er ein gamal gard som ligg fint til i kulturlandskapet. Her driv dei med mohairgeiter og foredling av ulla, med eige spinneri og  produksjon av garn, pledd og sjal.

Omvising for grupper, ring 35 05 09 57 og 97 78 88 18.

www.midt-svartdal.no

Sommarutstilling på Kunstlåven                

Seljord kunstforening viser eit breitt spekter av samtidskunst på Sommarutstillinga.

I Kunstlåven finn du også galleributikk m/grafikkavdeling og kafé.

www.seljordkunstforening.no

Galleri Nutheim

Nutheim Gjestgiveri - kunstnarhotellet i Telemark,  har utstillingar med kunstnarar som er knytt til Flatdal. Gjestgiveriet tek imot bussreisande for servering og omvising.

www.nutheim.no

Firingan kalligrafi          

Borghild Telnes har kalligrafiverkstad med utstilling av eigne arbeid.

Ope etter avtale

tlf. 48 03 00 97
borghild@firingan.com
www.firingan.com

Utstilling i aulaen på Seljord ungdomsskule                                  

Seljord Målarklubb har utstilling i tidsrommet 30.06- 29.07

Kjende automatisk freda kulturminne er merka av på kartet; m.a. bronsealdrerøysane langs Manheimsstrondi, bergmåleriet på Bruredynni ved Vefall, gravhaugane inne i sentrum. Stader der viktige hendigar har funne stad er også merkt av; som t.d. Ballongfararsteinen på Lifjell.

Stadar og landskap det knyter seg soger til, er merkt av som eigne sogepunkt på kartet. 

I Seljord sentrum har vi laga trivelege og uformelle møte-plassar som er tilgjengelege for alle: vakre og funksjonelle rammer om leik og aktivitet.

Uteområdet framom skulane og Kunstlåven er ein viktig og synleg plass i Seljord sentrum. Plassen ligg mellom Brøløsvegen og skulebygningane – med Kunstlåven og Seljord Hotell på kvar si side. Dette er også det fyrste bussreisande møter når dei kjem til rutebilstasjonen. Det er ei gjennomgangssone. Det er òg ei sone å vera i, der ein skal trivast.

Dette er eit område som både born, ungdom, kunstnarar, publikum til Kunstlåven, bygdefolk og tilreisande brukar. Difor er det viktig å knyte tettare band mellom alle som er her.

Plassane gjev rom for ulike måtar å møtast på: gjennom leik i klatretårnet, på is- eller ballbanane, eller på friidrettsbanen.
Du kan ligge i graset på toppen av den grøne haugen med utsyn over skuleplassen og “stripa” – der bilane fer framom og folk stig av og på bussane. Nokon kan ta ein prat på tretrappene og benkane ved rulleområdet, medan syklistar og brettakrobatar syner seg fram. Andre kan la seg inspirere av sittesteinane til Gunnar Torvund, som med form, fargar og mønster fortel nye soger.

Felles for alle brukarane av området er eit fokus på framtida. Born og unge “eig” framtida, og kunstnarane rettar ofte tankar inn i framtida og det ukjende. Det er noko nyskapande ved både kunsten og dei unge. Nye forteljingar vert skapte i dialogen mellom aktivitet, opplevingar, kunst og ettertanke. I dette området kan framtidssogene skapast.

(Last ned i utskivbar PDF)

Turvegen er tenkt som ein folkesti, som vert knytt opp mot ulike nærmiljøanlegg og opplevingspunkt
i Seljord sentrum. Dette vil vera eit samanbindande fysisk element som knyter viktige møteplassar i
sentrum saman. Ved å fylgje turvegen gjennom og rundt Seljord sentrum, skal folk få opplevingar,
forståing og syn for Seljord sine kvalitetar og særdrag. Samstundes ynskjer prosjektet å ivareta ulike
aldersgrupper og ulike aktivitetar gjennom dei tiltaka og stadane som er valde som møtestadar.
Universell utforming vil vera eit viktig gjennomgåande trekk i utforminga.

Langs delar av turvegen og på utvalde stader rundt vatnet kan du nå oppleve Seljord sine kvalitetar og særdrag på nye og spennande måtar.

Kva med å starte på Dyrskuplassen og lese om plassens historie, gå vidare om Shell/Sjøormkroa der ringer du Sogemobilen og høyrer Ingunn Flatland synge så vakkert ”Ingrid Sletten av Sillejord”.

Når du då fyrst er i nærleiken av Seljordsvatnet, anbefalar me deg å gå turvegen ned mot vatnet (turvegen går mellom Gjest`n kro og pub og campingplassen Seljord ferieland) Der er det bare så nydeleg!
 
Eller kva med å gå til Lomodden i Seljord sentrum og sjå på historiske bilete, beundre kikkeskåpet som Trygve Barstad har utsmykka, eller rett og slett; bare sitte å slappe av på Seljordsbenken å nyte livet!
 
Rundt Seljordsvatnet kan du oppleve flotte kunst- og landskapsopplevingar blant anna ved Telnessanden Camping, Vebekkdalen og Sanden Camping.
 


Last ned: Turveghefte i PDF